Napuno sang palakpakan ang NAB Function Hall matapos ibida sang mga tiglawas gikan sa nagkalain-lain nga kolehiyo kag kampus ang ila abilidad sa Sugidanon kag Binalaybay competition sa ikatlo nga adlaw sang University Days 2025, Enero 29.

Una nga ginpatigayon ang kompetisyon sa Binalaybay, kun sa diin ang mga partisipante nagpakita sang ila abilidad sa pagsambit sang ila masining nga pagdihon sang mga tinaga sa Hiligaynon.

Ini ginsundan sang Sugidanon, nga nagpasundayag sang ila abilidad sa pagsugid sang makalilingaw nga mga istorya gamit ang Hiligaynon.

Ang nasambit nga mga aktibidad nagpakita sang suporta sa pagpalapnag sang kultura kag pagpasanyog sang lokal nga literatura gamit ang Hiligaynon nga lenggwahe

Saysay ni JC Rey Padilla/SILAK Media

Larawan ni SILAK Media